BALIK-TANAW SA DALAWANG PELIKULANG PINAGBIDAHAN NINA NORA AUNOR AT ALMA ...

Sa ginanap na 41st PMPC Star Awards for Movies noong Nobyembre 30, 2025, ginawaran si Alma Moreno ng “Nora Aunor Ulirang Artista Lifetime Achievement Award”.
Ang parangal na ito — na ipinangalan sa Pambansang Alagad ng Sining at Nag-iisang Superstar na si Nora Aunor — ay ibinibigay bilang pagkilala sa makabuluhang kontribusyon at halos limang dekadang serbisyo ni Alma Moreno sa industriya ng pelikula. Sa kanyang acceptance speech, pinasalamatan ni Alma ang kanyang Kumareng si Guy.
Ilan sa mga pelikulang pinagsamahan nilang dalawa ay ang “Huwag hamakin! Hostess” (1978) na kapwa sila nasa transition. Si Nora, mula sa peak-Noranian dramatic era at si Alma naman na papunta sa pagigin full-fledged superstar/sex-symbol. Ayon sa mga lumang column (Joe Quirino, Crispina Belen), magaan ang set, walang intriga, dahil parehong professional ang dalawa. Si Director Elwood Perez ang nagdirehe na kilala sa fast-shooting style, kaya kailangan ng actors na mabilis at disiplinado — bagay raw sa professionalism ni Nora.
Nasundan pa ang kanilang working chemistry sa "Kasal-Kasalan, Bahay-Bahayan" (1979) na nagwagi bilang Best Film at naging top grosser sa 1979 Metro Manila Film Festival (MMFF), kasama nila sa pelikula ang kanilang mga “estranged-husbands” na sina Christopher de Leon at Rudy Fernandez.
Ipinapakita sa mga pelikulang pinagsamahan nila ang magkakaibang pagtatanghal: mas simple at malalim na costuming para kay Nora; mas flashy at fashionable para kay Alma — ginagamit bilang visual shorthand ng kanilang karakter. Madalas ginawang kontrapunto ng mga direktor ang image ni Nora (serious/dramatic) at ni Alma (glamorous/charismatic) para lumikha ng emotional tension sa kuwento. Ito ang dahilan kung bakit nag-work ang dalawa on-screen kahit magkakaiba ang persona.
Habang maraming proyekto ang may on-set rivalry noong 70s-80s, walang solidong ebidensiya ng off-camera rivalry nina Guy at Ness; mas madalas ang pag-respeto at professional camaraderie. Ito ang nagpatibay ng impression na “professional friends” sila.
Ang dalawang pelikula ay nakatulong sa pagpapakita ng range ni Alma (hindi lang seksing imahe kundi may dramatic chops din) at nagpapatibay ng legendary status ni Nora bilang versatile actress.
(Isinulat ni ๐“๐“ป๐“ท๐“ธ๐“ต๐“ญ ๐“—๐“ฎ๐“ฌ๐“ฑ๐“ช๐“ท๐“ธ๐“ฟ๐“ช ๐““๐“ฎ ๐“ฅ๐“ฎ๐“ป๐“ช, 12/07/25: 12:59AM)

Comments

Post a Comment

Popular posts from this blog

"ANG BUWAN NG MAYO: ISANG BUWAN NG PAGSUBOK, PAGMAMAHAL, AT KATATAGAN"

Image
" ANG BUWAN NG MAYO: ISANG BUWAN NG PAGSUBOK, PAGMAMAHAL, AT KATATAGAN" Ang nagdaang buwan ng Mayo ay isa sa pinakamalungkot at pinakamabigat na yugto ng aking buhay. Ito rin ang unang buong buwan mula nang maaksidente si Nanay . Sa loob ng tatlumpu’t isang araw, marami akong naranasang hamon, pagod, at pangamba, ngunit kasabay nito ay natutuhan ko rin ang tunay na kahulugan ng pagmamahal, sakripisyo, at katatagan. Mula nang mangyari ang aksidente, naging hands-on ako sa pag-aalaga kay Nanay .  Araw-araw ay sinisikap kong matugunan ang kanyang mga pangangailangan at tiyaking komportable siya sa kabila ng kanyang nararamdamang sakit. Hindi naging madali ang mga panahong iyon dahil nakikita ko ang kanyang paghihirap, ngunit pinili kong maging matatag para sa kanya. Wala naman akong ibang opsyon kundi harapin ang sitwasyon at gawin ang lahat ng aking makakaya bilang anak. Isa sa mga mahalagang nagawa namin noong Mayo ay ang pagpapatingin kay Nanay sa ospital. Sa pamamagitan...
Read more
Image
                                                         "INDYANERO!" ( 01) (Tulang nabuo sa aking isipan habang ako'y nasa ilalim ng malaking puno katabi ng mamang nagtitinda ng fishball at matiyagang naghihintay sa wala) Pinagmukha mo akong tanga, hindi mo ako sinipot kanina, ang text ko alas-dose magkikita, reply mo after one hour , rest ka muna. Pero kahit what time pa, mahalaga ako pa rin ay nagpunta, para madali ako'y nag- taxi na, marating ko lang ang meeting place sana bago mag- twelve o'clock o mas maaga pa. At pagsapit nga ng ala-una, sa iyong pagdating ay hoping pa, aba, lampas two o'clock na,                                                              ...
Read more

“I HONESTLY LOVE YOU” (Ang kwento sa likod ng awitin ni Olivia Newton-John)

Image
  “I HONESTLY LOVE YOU” (Ang kwento sa likod ng awitin)               Ang “I Honestly Love You” ang unang malaking international hit ni Olivia Newton-John na nagpanalo sa kaniya ng Grammy at nagbigay-daan para maging isa siya sa pinakaminamahal na pop at soft rock singers ng kanyang panahon.                 Ito ay isang love ballad na puno ng damdamin, kung saan inihahayag ng nagsasalita ang kaniyang wagas at taos-pusong pag-ibig sa isang tao — kahit alam niyang maaaring hindi sila itinadhana o hindi ito ang tamang panahon. Maraming tagapakinig ang naka-relate dahil sa pagiging simple ngunit malalim na mensahe ng kanta. Ang “I Honestly Love You” ay isa sa pinakapopular na awitin ni Olivia Newton-John , at siyang nagpatibay ng kaniyang pangalan bilang isang international superstar. Heto ang kasaysayan nito:        An...
Read more